“Jasıl Aralģa qarap jol: Innovaciyalar hám sheriklik” xalqara jas alımlar forumı

Ózbekstan Respublikası Prezidenti qasındaģı Aralboyı Xalqara Innovaciya orayı hám Qıtay Pánler Akademiyasınıń Sinczyan Ekologiya hám geografiya institutı sherikliginde “Jasıl Aralģa qarap jol: Innovaciyalar hám sheriklik” atlı xalqara jas alımlar forumı ótkeriledi.

Usı jıldıń 16-dekabr kúni Nókis qalasında bolıp ótetin usı forum Aralboyı aymaģınıń jasıl hám turaqlı rawajlanıwın ilim-pán hám texnologiyalar arqalı qollap-quwatlawģa qaratılǵan.

Forumda resurslar, ekologiya hám qorshaģan ortalıq boyınsha dúnyaģa tanıqlı qaniygeler hám 40 jasqa shekem bolǵan aymaqlıq jas alımlar Aral teńizi oypatlıģın turaqlı rawajlandırıw hám “jasıl” ilimiy-izertlew hám innovacion texnologiyalar temasında lekciya  hámde ashıq sáwbet ótkeriledi.

Mánzil: Nókis qalası Sh.Abdirov kóshesi 1-úy

+998 97 500 44 38