«Ózbekstanda jasıl texnologiyalar tarawında hayal–qızlar startapların rawajlandırıwdı tezlestiriw» joybarı 2 jılǵa mólsherlengen bolıp, Birlesken Milletler Shólkeminiń Demokratiya Fondı Tech4Impact járdeminde ámelge asırılmaqta.
Joybar sheńberinde, Qaraqalpaqstan Respublikasında jasaytuǵın hayal-qızlardıń klimat ózgeriwi menen baylanıslı bolǵan, social-ekonomikalıq mashqalalardıń sheshimin taba alatuǵın kompaniyalar jaratıwǵa kómeklesiw. Bunday kompaniyalardıń jaratılıwı arqalı, hayal-qızlar ekonomikalıq turmıstaǵı aktivligin asırıwı ushın texnologiyalıq hám isbilermenlik potencialın kúsheytiw boyınsha ilájlar ótkeriw rejelestirilgen.
Bul joybar, gender teńligi boyınsha háreketlerdi kúsheytedı, hayal-qızlardıń múmkinshiliklerin keńeytiwge járdem beredi. Hayal-qızlarǵa járdem beriw názerde tutılǵan aymaqtaǵı startaplar hám innovaciyalıq usınıslar qollap-quwatlanadı. Aral teńizi aymaǵında jasawshı xalıqtı klimat ózgeriwi háreketlerine qarsı gúresiwde belsene qatnasıwǵa shaqırıwǵa hám COVID-19 pandemiyasınıń tásirin jumsartıwǵa járdem beredi.
- Qaraqalpaqstanda taza texnologiyalar tarawında hayal-qızlar basshılıq etetuǵın kárxanalar ushın startap ekosistemasın jaratıw;
- Internet tarmaǵında informaciyalıq materiyallar hám web-resursların islep shıǵıw, sonıń menen birge, potencial isbilermen hayal-qızlardıń xabardarlıǵın asırıw maqsetinde PR kampaniyasın iske túsiriw;
- Altı aylıq sistemalı startaptı tazlestiriw baǵdarlaması arqalı bilimlerdi uzatıw hám potenciyaldı asırıw, aymaqta texnologiya boyınsha mentorlıq mádeniyattı rawajlandıratuǵın startaplar ushın mentorlar (SUM) hám ustazlardı tayarlaw, investorlar hám finans institutları menen hayal-qızlar basshılıǵındaǵı startaplar ortasındaǵı baylanıslardı bekkemlewden ibarat.
Joybar baylanısları: https://www.facebook.com/greentechwomen