2021-jıl sentyabr ayında jumıs baslanǵan edi hám 65 arzadan Nókis qalası, Moynaq hám Qońırat rayonlarınan 12 isbilermen hayal-qızlar tańlap alındı.

Demo kúninde 6 finalshı óz joybarların usınıs etti:

• Aynura Iniyatova, mektep oqıtıwshısı, Moynaq rayonı.
  “Moynaq biogumus” joybarı Kaliforniya qurtı járdeminde alınǵan organikalıq tógin bolıp esaplanadı.
• Albina Sarsengaliyeva, ónerment, Nókis qalası – Qońırat.
  “Albina Art” joybarı – qayta islengen tábiyiy júnnen milliy usılda suvenirler islep shıǵarıw hám satıw.
• Aysulıw Xalmuratova, student, Nókis qalası.
  ” Eko-briketler” joybarı – opilkalardan eko-briketlerdi islep shıǵarıw hám satıw (jalınlar ushın, pechka, turistler ushın mangal hám tábiyat qoynına dem alısqa baratuǵın sayaxatshılar ushın).
• Gulbanu Xojanova, student, Nókis qalası.
  ” Gidroponika” joybarı – Arduino tárepinen basqarılatuǵın sanalı gidroponik modullı sistema.
• Gulzarxon To’reniyazova, agroinjener, Nókis qalası.
  “Microgreens” joybarı – mikro jasıl ónimlerdi jetistiriw hám satıw, ósimliklerdiń bay azıq elementlerine iye “mini versiyaları”
• Juldız Abatbaeva, isbilermen, Nókis qalası.
  “Nókis qalasında eko xostel” joybarı arzan turar jay hám átirap-ortalıqqa zıyan jetkizbewdi abzal kórgen sayaxatshılar ushın eko-xostel.

Ilájdıń tiykarǵı bólegi – joybarlar prezentaciyasınan ibarat. Hár bir joybarǵa prezentaciya ushın 5 minut hám tóreshiler quramı ekspertleriniń sorawları ushın 5 minut waqıt ajıratıldı.

Tóreshiler quramı ekspertleri tárepinen joybarlardı bahalaw kriteryaları:

• bazar/biznes potencialı;
• jámiyetke payda/jumıs orınların jaratıw;
• innovaciyalıq/texnologiyalıq potenciyalı;
• joybardıń ekologiyalıq tárepleri/klimat ózgeriwi;
• toparlıq kompetensiyalar;
• prezentaciya sapası.

Prezentaciya nátiyjelerine kóre tóreshiler 3 eń jaqsı joybardı belgilep berdi:

• Albina Sarsengaliyeva, “Albina Art” joybarı
• Gulzarxan Toreniyazova, “Microgreens” joybarı
• Gulbanu Xojanova, “Gidroponika” joybarı

Jeńimpaz toparlar óz biznesin rawajlandırıw ushın 21, 5 million sum qarjı aladı. Barlıq qatnasıwshılardı qutlıqlaylaymız hám joybarların rawajlandırıwda tabıslar tileymiz!

Joybarlardı bahalaǵan tóreshiler quramı ekspertlerine minnetdarshılıq bildiremiz:

• Seytova Leyli Polatovna, Oliy Majlis Nızamshılıq palatası deputatı, Ózbekstan Ekologiyalıq partiyası aǵzası;
• Baxiyeva Gulzira, Qaraqalpaqstan Respublikası Ministrler Kabineti Máhelle hám shańaraqtı qollap-quwatlaw milliy assocasiyası basqarıwshısı;
• Azamat Matkarimov, YeTTB “Kishi bizneske máslahátler beriw” programması analizshisi;
• Tashimova Dinora, ATB “Xalıq bank” Qaraqalpaqstan filialı basqarıwshısı orınbasarı;
• Amélie Leclere, Franciyanıń SUEZ International SAS suw texnologiyaları kompaniyasınıń biznesti rawajlandırıw boyınsha menejeri;
• Ayjamal Taubaldiyeva, Jipek Jolı miymanxanalar tarmaǵı menejeri;
• Aytjanova Aziza, Texnoparkte joybarlardı bólistiriw hám olardı tartıw boyınsha qánige,

May ayında biz qatnasıwshılar ushın startap akseleratordıń náwbettegi sanın járiyalaymız, bizdi kúzetip barıń!

“Ózbekstanda hayal-qızlardıń jasıl texnologiya tarawında startapların rawajlandırıwdı jedellestiriw” joybarı Birlesken Milletler Shólkeminiń Demokratiya Fondı járdeminde, Tech4Impact mámleketlik emes kommerciyalıq emes shólkemi tárepinen ámelge asırılmaqta. Ilájdi shólkemlestiriwde kórsetken járdemi ushın Qaraqalpaqstan Balalar hám shańaraqlardı qollap-quwatlaw assotsiaciyası hám de Jaslar isleri agentligine minnetdarshılıq bildiremiz.