Programmanıń mentor hám trenerleri startap akseleratorı hám tańlaw qaǵıydaları haqqında túsindirip berildi;

Akseleratordıń birinshi sheńberindegi finalshıları Gulzarxon Toreniyazova hám Aysulıw Xalmuratova óz joybarları hám akseleratsiya programması dawamında alǵan bilimleri haqqında aytıp berdi.

Operativ mentorlıq shınıǵıwlarında ilájdıń barlıq qatnasıwshıları óz joybar hám ideyaların usınıs etti hám mentorlardan pikirler aldı.

Startap akseleratorına arza tapsırıw ushın 30 -iyunǵa shekem https://docs.google.com/forms/d/e/1FAIpQLSekIcke8ltL8BvqonZG-eAh9LkSDpifCXDt13yuRV2FcqfoOg/viewform silteme arqalı anketani tolıqtırıwıńız kerekligini eskertip ótemiz.

Ilájlarımızdı shólkemlestiriwde kórsetken járdemleri ushın Qaraqalpaqstan Respublikası Balalar hám shańaraqlardı qollap-quwatlaw assotsiatsiyası bólim baslıǵı Sholpan Asanovaǵa hám de Qaraqalpaqstan Respublikası Jaslar isleri agentligine óz minnetdarshılıǵımızdı bildiremiz!

«Ózbekstanda jasıl texnologiyalar tarawında hayal-qızlar startapların rawajlandırıwdı tezlestiriw» joybarı Tech4Impact mámleketlik emes, kommerciyalıq emes shólkemi tárepinen Birlesken Milletler Shólkeminiń Demokratiya Fondı (UNDEF) járdeminde ámelge asırılmaqta.