Biz Qaraqalpaqstandaǵı isbilermen hayallar ushın Ideathon interaktiv seminarların basladıq.
10-iyun kúni Shomanayda birinshi seminar bolıp ótti.
Seminar qatnasıwshıları akseleratsiya dástúri ushın startaplardı tańlaw kriteriyaları menen tanıstı, biz “jasıl” startaplar haqqında sáwbetlestik hám akseleratordıń birinshi sheńberinde finanslastırılǵan joybarlar mısalların talqıladıq.
Sonıń menen birge, olar menen birgelikte regionnıń social hám klimat máselelerin sheshiw boyınsha ideyalar, “jasıl” biznes baǵdarı boyınsha interaktiv shınıǵıw ótkerdik. Barlıq qatnasıwshılarǵa aktiv qatnası ushın minnetdarshılıq bildiremiz, keleshek startaplar ushın kóplegen perspektivalı ideyalardı esittik!
Shomanay rayonı hákimi hayal-qızlar máseleleri boyınsha orınbasarı Gulchehra Tulıbaevna Temirxanovaǵa, sonıń menen birge, Jaslar isleri agentligi hám de Ózbekstan Balalar hám shańaraqtı qollap-quwatlaw assotsiatsiyasına óz minnetdarshılıǵımızdı bildiremiz.
«Ózbekstanda jasıl texnologiyalar tarawında hayal-qızlar startapların rawajlandırıwdı tezlestiriw» joybarı Tech4Impact mámleketlik emes, kommerciyalıq emes shólkemi tárepinen Birlesken Milletler Shólkeminiń Demokratiya Fondı (UNDEF) járdeminde ámelge asırılmaqta.