Gulbanu Xodjanova Qaraqalpaq Mámleketlik Universiteti (Nókis, Qaraqalpaqstan ) biologiya fakultetinde oqıydı. Ol Tashkent informaciyalıq texnologiyaları universiteti (Nókis filialı ) studenti, robototexnika qánigesi Nietulla Abdullaev sherigi menen birgelikte “Gidroponika” joybarı menen bizdiń “Ózbekstanda jasıl texnologiyalar tarawında hayal-qızlar startapların tezlestiriw” dástúrimizde qatnaspaqta. Olardıń toparı “Sigma” dep ataladı.

Onıń jumısı Arduino tárepinen basqarılatuǵın, aqıllı gidroponik modullı sistema bolıp esaplanadı (topardıń artındaǵı súwrette).

Platforma 3 bólekten ibarat:

• Modullı konstrukciya: pútkil gidroponik sistemanı qollap-quwatlaw ushın PVX hám alyuminiy ramka (suw nasosı, jaqtılıq hám azıqlantıratuǵın azıqlantırıwshı menen)
• Elektron sxema: sistemanıń sanlı “miyin” tiykarǵı baqlaw. Qurılma Wi-Fi arqalı serverge jalǵanǵan hám maǵlıwmatlardı Android qurılmasında kóriw múmkin.
• Datchikler: barlıq maǵlıwmatlar hám sistema parametrlerin ólshew hám baqlaw (temperatura hám ızǵarlıq, suw temperaturası, pH, ótkizgishlik, waqıt).

“Sigma” toparı – gidroponika joybarı menen “Ózbekstan ushın 100 ideya” Respublika tańlawında qatnastı.
https://100ideas.uz Ózbekstan boylap 25 094 dana qatnasıwshı, 24 740 ideya hám 891 topar ortasında bizdiń toparımız Tashkentte (2021 jıl 18-19 dekabr kúnleri bolıp ótken) finalǵa shıqtı. Gulbanu hám Nietulla TOP-100 joybardan orın alıwǵa miyassar boldı!

“Biz informaciya texnologiyaları, awıl – xojalıǵı hám ilim-pándi birlestirip, tábiyiy ónimlerdi islep shıǵarıw hám qalalarǵa jetkiziw boyınsha revolyuciyalıq sheshimlerdi jaratamız”, deydi Gulbanu.- Startapımız B2B hám B2C segmentlerinde, tiykarınan, fermerler menen isleydi. Básekileslerimiz bar, biraq biziń ústinligimiz avtomatlastırıw hám fermerlerdiń ónimdarlıǵın asırıw ushın usınıs etilip atırǵan jańa usıllar bolıp esaplanadı.