20-avgust kúni Innovaciyalıq Rawajlanıw Ministrligi janındaǵı jańa Jaslar texnoparkinde “jasıl” texnologiyalar tarawında hayal-qızlar joybarları startap akseleratordıń jańa qatnasıwshıları menen mentorlıq sessiyaları hám seminar bolıp ótti.

Biz Nókis qalası, Moynaq, Shomanay hám Kegeyli rayonlarınan kelgen qatnasıwshılar menen ushrastıq, barlıq joybar ideyaların talqıladıq, biznes modeller ústinde islep basladıq hám potencial klientler menen intervyuǵa tayarlıq kórdik. Intervyu ushın sorawlar dizimin dúzdik.

Mentorlarımız Muxabbat Allambergenova, Ismail Asanov, Adil Kenesbaev hám Nurzada Atamuratova mentorlıq sessiyaların ótkerdi hám joybarlar menen de tanıstı.

Bársheńizge aktiv qatnasqanıńız ushın raxmet!

Ilájdı shólkemlestiriwde járdem bergen Balalar hám shańaraqlardı qollap-quwatlaw assotsiaciyası, Innovaciyalıq Rawajlanıw Ministrligi hám Qaraqalpaqstan Respublikası aymaqlıq innovaciyalıq rawajlanıw ministrligi basqarması baslıǵı Kayupov Nursultan Sakenovichqa minnetdarshılıq bildiremiz.

«Ózbekstanda jasıl texnologiyalar tarawında hayal-qızlar startapların rawajlandırıwdı tezlestiriw» joybarı Tech4Impact mámleketlik emes, kommerciyalıq emes shólkemi tárepinen Birlesken Milletler Shólkeminiń Demokratiya Fondı (UNDEF) járdeminde ámelge asırılmaqta.