“Axborot-kommunikaciya texnologiyaları tarawında IT-tálim xizmetlerin kórsetiw, dástúriy ónimler islep shıǵıw hám de eksportqa jóneltiriw boyınsha startap joybarlar” tańlawı

Usı tańlaw Ózbekstan Respublikası Prezidentiniń 2022-jıl 28-avgusttaǵı “2022-2023-jıllarda axborot-kommunikaciya texnologiyaları tarawın jańa basqıshqa alıp shıǵıw ilájları haqqında”ǵı  PQ-357-sanlı qararı 8-bánti hám de Ministrler Kabinetiniń 2020-jıl 9-marttaǵı “Ilimiy-izertlew hám innovaciyalıq iskerlikti rawajlandırıwdıń normativ-huqıqıy bazasın jáne de jetilistiriw ilájları haqqında” 133-sanlı qararı 2-qosımshasına muwapıq shólkemlestiriledi.

 Startap joybarlardı qabıllawda qoyılatuǵın shártler:

• Tańlawda qatnasıwshı  “startap” joybar baslamashıları arzaları 2022-jıl 1-oktyabrden 1-noyabrge shekem qabıl etiledi;
• “startap” joybar baslamashıları – yuridikalıq shaxs statusındaǵı baslıq hám shólkemlestiriwshileri on segiz jasqa tolǵan hám otız jastan aspaǵan investiciya joybarın ámelge asırıw qálewin bildirgen Ózbekstan Respublikası puqaraları;
• “startap” joybar baslamashıları – startap joybar tiykarshılarınan bolıwı (kompaniya bolǵan táǵdirde tiykarǵı úleske iye bolıwı) kerek;
• “startap” joybar baslamashıları (1 qatnasıwshı ) 1 joybar menen qatnasıwı múmkin;
• “startap” joybarlar tiykarında tayın ónim, dástúriy ónim, xizmetler hám texnologiyalar jaratıwdıń hám de ministrlik tárepinen finanslıq támiynlewdiń eń kóp múddeti 1 jıldan aspawı kerek.
• Tańlaw nátiyjelerine kóre finanslıq támiynlewge usınıs etilgen startap joybarlarǵa 1 milliard sumǵa shekem bolǵan muǵdarda qarjı ajratıladı.

“Startap” joybarlar tańlawın ótkeriw shártleri:

Arzalardı yuridikalıq hám fizikalıq shaxslar usınıwı múmkin (Arzalar fizikalıq shaxs tárepinen usınıs etilgen táǵdirde – joybar Innovaciyalıq Rawajlanıw Ministrligi Komissiyası tárepinen finanslıq támiynlewga  usınıs etilgennen keyin yuridikalıq kárxana ashıw haqqında kepillik xatı qosımsha etiliwi shárt).

Joybardı ámelge asırıw boyınsha ústin turatuǵın tarawlar retinde tómendegiler belgilenedi:

• Cifrlı húkimet;
• Aqıllı medicina;
• Aqıllı transport;
• Aqıllı tálim;
• Aqıllı awıl-xojalıǵı ;
• Aqıllı energetika sisteması ;
• Aqıllı máhelle;

Startap joybarlar tómendegi kriteriyalar boyınsha bahalanadı:

• Joybardıń innovaciyalılıǵı – respublikada aldın qollanılmaǵan jańa texnologiyalar hám (yamasa ) processti shólkemlestiriw principlerinen paydalanıw dárejesi, bunda joybar respublikada aldın islep shıǵarılmaǵan jańa ónim (intellektuallıq múlk ob’ekti bar bolǵanda ) islep shıǵarıw, jańa xizmet túrin jaratıwdı názerde tutadı;
• Joybardıń texnikalıq tárepten jetiliskenligi, sonday-aq juwmaqlanǵanlıq dárejesi;
• Joybar komandasınıń tiyisli taraw qánigeleri menen támiyinleniwi, ilimiy-texnikalıq hám islep shıǵarıw múmkinshilikleri – topardıń jetik qánigelerden qáliplestirilgenligi, shólkemde kerekli ásbap -úskeneler hám ilimiy obiektler infrasistemalarınıń bar ekenligi;
• Joybardıń investitsion ózine tartatuǵınlıǵı – qosımsha payda keltirip, kiritilgen qarjılar táwekelshilikti  azaytatuǵın qolay investitsion hám innovaciyalıq shárt-shárayatlar kompleksi bolıp tabıladı. Joybardıń investitsion ózine tartatuǵınlıǵı, onıń mámleket rawajlanıwınıń uzaq múddetli kelesheklerine muwapıqlıǵı, joybardıń mánisi, táwekelshiliklerdiń esapqa alınıwı, ózin-ózi qaplawı hám rentabelligi menen belgilenedi;
• Joybardı finanslıq joybarlaw – joybar finanslıq támiynatınıń rejelestirilgen jumıslarǵa muwapıqlıǵı hám qárejetler smetasınıń tiykarlanǵanlıǵı bolıp tabıladı;
• Marketing rejesi – joybardı ámelge asırıw strategiyası, bazar kólemi, maqsetli auditoriya, baylanıslar/satıwdıń tiykarǵı kanalları, báseki ortalıǵı hám t.b;
• Joybardı ámelge asırıwdan kútilip atırǵan nátiyjeler – ajratılatuǵın qarjılardan maqsetli hám nátiyjeli paydalanıw, ámelge asırilatuǵın ilájlardı orınlaw sapası hám múddetleri, import almastırıwshı hám eksportqa jóneltirilgen ilimiy tiykar talap etetuǵın ónim islep shıǵarıwdı shólkemlestiriw;

Tańlawǵa usınıs etiletuǵın joybarlar innoitstartup@gmail.com elektron pochtası arqalı qabıl etiledi.

Bunda tómendegi hújjetler túp nusqaları tastıyıqlanǵan halda PDF formasında elektron pochtaǵa jiberiliwi kerek:

• Startap joybar avtorı tárepinen imzalanǵan arza;
• Startap joybar pasportı;
• Qárejetler smetası;
• Startap joybar biznes teksti (qol hám mór qoyılǵan halda);
• Kepillik xatı (Fizikalıq shaxs tárepinen usınıs etilgende);
• Startap joybar prezentaciyası (10 slayd) yamasa planshet formasında joybar mazmunı tolıq kórsetilgenligi (5 minuttan aspaytuǵın video formasında tayarlanǵan maǵlıwmatlar maqullanadı).

Usınıs etilgen joybarlar tańlaw talaplarına qatań ámel etilgenligi, joybar materiallarınıń isenimliligi hám shınlıǵı, kóshirmeshilikke (plagiat) jol qoyılmaǵanlıǵı, talaplar tiykarında qáliplestirilgenligi, sonıń menen birge startap joybar juwmaǵında qolǵa kirgizetuǵın á nátiyjelerdiń izertlew dizayniga muwapıq tolıq tiykarlanǵanlıǵı hám so’ralgan qarjılardıń tańlaw shártlerinde keltirilgen finanslıq támiynlew kólemine muwapıq tuwrı esap-kitap etilgenligi boyınsha dáslepki texnikalıq ekspertizadan ótkeriledi.

Tómendegi jaǵdaylarda usınıs etilgen joybarlar tańlawda qatnasıw ushın usınıs etilmewi múmkin:

• Startap joybar mazmunı tárepinen innovaciyalıq ózgeshelikke iye emesligi;
• Startap joybar hújjetleri tańlaw talaplarına hám de belgilengen tarawǵa muwapıq usınıs etilmegenligi;
• Startap joybardıń maqset hám wazıypaları kórsetip berilmegenligi;
• Startap joybarda usınıs etilgen mashqalanıń sheshimi joqlıǵı;
• Startap joybardıń aldınǵı tańlawlarda jeńimpaz bolǵanlıǵı;
• Startap joybardı ámelge asırıw ushın ajratılatuǵın grant qarjlarınıń bina hám transport quralların satıp alıw hám qurılıs-remontlaw jumıslarına jumsaw joybarlastırılǵanlıǵı;
• Satıp alınıwı rejelestirilgen úskene, ónim, jumıs hám xizmetler quramında joybardı ámelge asırıw processinde tikkeley talap etilmeytuǵın yamasa bahası ámeldegi bazar kóleminen qımbat jazılǵan jaǵdaylar bar bolǵanlıǵı.

Usınıs etilgen startap joybarlardaǵı maǵlıwmatlardıń shınlıǵı  hám isenimliligi hám de tańlaw jeńimpazları tárepinen startap joybarlardıń nátiyjeliligi, tańlaw programmaları wazıypalarında belgilengen, kutilip atırǵan nátiyjelerdi tolıq hám waqtında sapalı atqarılıwına startap joybar basshıları, usı joybardı orınlawshı shólkem basshıları hám tiyisli joqarı turıwshı shólkemlerdiń juwapker xizmetkerleri juwapker esaplanadı.

Joybar finanslıq támiynlewge usınıs etilgennen keyin ámelge asırıw processinde joybardıń satıw rejesi hám finanslıq nátiyjeler haqqındaǵı prognoz esabatı maǵlıwmatları boyınsha 10% dan artıq unamsız parq júzege keletuǵın bolsa nadurıs joybarlastırılǵan hám de unamsız ayırmashılıqlar boyınsha joybardı ámelge asırǵan shólkem hám joybar basshısı tikkeley juwapker esaplanadı (ayrıqsha jaǵdaylar bunnan tısqarı). Joybar pasportı, ǵárejetler smetasi hám kalendar rejesinde kórsetilgen jumıslar hám de ǵárejetlerdi ámelge asırıwda iyiwishlarga jol qoyılmaydı.

Ózbekstan Respublikası Innovaciyalıq Rawajlanıw Ministrliginiń tańlaw basqıshlarındaǵı nátiyjeler boyınsha sheshimi qatań hám qayta kórip shıǵılmaydı!

Startap joybarlardı elektron dizimnen ótkeriw menen baylanıslı texnikalıq máseleleri hám tańlaw basqıshları boyınsha tańlawdıń texnikalıq tárepten qollap-quwatlaw xizmeti: +998-71-203-32-23 (ishki nomer: 216, 218).

Derek: Ózbekstan Respublikası Innovaciyalıq Rawajlanıw Ministrligi