BatBnB — Google sawda menejeri Kristofer Rannefors hám arxitekturalıq dizayner Xarrison Broadhurst tárepinen tiykar salınǵan startap joybarı.

Kompaniya zıyanlı ximiyalıq elementlerden paydalanbay zıyankesler populyatsiyasın kemeytiwge járdem beriw ushın jarǵanatlar úylerin qurıp atır.

Dizaynları estetik tárepten jaǵımlı bolıp qalmastan, bálki jarǵanatlardıń biologiyalıq mútáájlikleri ushın da optimallastırılǵan. Úyler hár qanday binanıń sırtqı diywalına asıp qoyılıwı múmkin bolǵan uzın tegis aǵash qutılar bolıp tabıladı.

Qaptal tárepleri jonılǵan bir qatar samallatıw tesikleri sebepli jarǵanatlar kúndiz suwıqlaw shárayatta dem alıwları múmkin. Kúndiz jarǵanat úyi quyash nurın sorıp aladı, onı ısıtadı hám salqın keshler ushın qolay boladı.

Kompaniya maqsetleri;

• pestitsidlarǵa tábiyiy alternativa jaratıw;
• jarǵanatlar jawız jırtqısh haywanlar degen nadurıs túsinikti joq etiw. Haqıyqatında da, jarǵanatlar ekosistemaǵa júdá kóp payda keltiredi;
• olardı qánigeler tárepinen sertifikatlanǵan hám haywanlardıń mútáájliklerin qandıratuǵın sapalı qawipsiz úyler menen támiyinlew.

2017-jılda kraudfanding sebepli kompaniya óz ideyasın ámelge asırıw ushın 120 000 dollar jıynadı,

2020-jılda shólkemlestiriwshiler Forbes jurnalınıń “30 jasqa shekem bolǵan 30 dana” dizimine “social isbilermenlik” baǵdarı menen kiritilgen.

Tolıq maǵlıwmatlar rásmiy web-saytda: www.batbnb.com