Birlashgan Millatlar Tashkilotining Demokratiya jamg’armasi ko’magida Tech4Impact nodavlat tashkiloti tomonidan amalga oshirilgan «O’zbekistonda yashil texnologiyalar sohasida ayollar startaplarini rivojlanishini jadallashtirish» loyihasi 2 oktyabr kuni Nukus shahrida tadbirkor ayollar uchun seminar o’tkazdi.

Аyollar biznes-loyihalari startap-akselerator qatnashuvchilari uchun treninglar Qoraqalpog’istonda o’tkazildi. Treninglarda tadbirkorlikni rivojlantirishning 6 oylik dasturida ishtirok etish uchun tanlangan tadbirkor ayollar, shuningdek, Nukuslik startaplar mentorlari (ustozlar) ishtirok etishdi, ular mentorlik metodologiyasi bo’yicha onlayn treninglar olishdi.

Seminar davomida quyidagi mavzular muhokama qilindi:

• mijozlarni o’rganish, bozorni o’rganish, raqobatchilarni tadqiq qilish, maqsadli auditoriyani o’rganish;
• MVP (mahsulotlarning minimal ishchi versiyasi, mijozlar bilan sinash uchun prototiplarni yaratish);
• turizm, qishloq xo’jaligi, suv tozalash, chiqindilarni qayta ishlash sohasidagi yangiliklar;
• ishtirokchilar bilan individual va guruhli murabbiylik sessiyalari.

Seminarlarga taklif etilgan trenerlar:

• Ozoda Ismoilova, UzAuto Motors Powertrain atrof -muhitni muhofaza qilish menejeri;
• Nora Rahimova – 27 yildan ortiq marketing, turizm, logistika sohasidagi tajribasi, startaplar uchun mentor;
• Akmal Solihov, VRonica asoschisi va kreativ direktori, startaplar ustozi.

Seminar ishtirokchilari o’z loyihalarini ishlab chiqish rejalari bilan o’rtoqlashdilar, ustozlardan kelgusi ishlar bo’yicha sharhlar oldilar. Akselerator uchun 15 ta loyiha tanlab olindi. Bular Mo’ynoq va Nukusdan turizm, qishloq xo’jaligi, suv masalalari bo’yicha startaplar. Barcha loyihalar ekologik komponentga ega bo’lishi kerak (biznesning atrof muhitga ta’sirini kamaytirish, suv, elektr energiyasi va boshqa resurslarni sarfini kamaytirish, chiqindilarni qayta ishlash va boshqalar).

Seminar va uchrashuvlarni, Bolalar va oilalarni qo’llab -quvvatlash assotsiatsiyasini (Qoraqalpog’iston Respublikasi hududiy bo’limi), Qoraqalpog’iston yoshlar bilan ishlash agentligini tashkil qilishda yordamingiz uchun tashakkur.

Loyiha haqida: «O’zbekistonda yashil texnologiyalar sohasida ayollar startaplarining jadallashtirish» loyihasi 2 yilga mo’ljallangan bo’lib, Tech4Impact tomonidan Birlashgan Millatlar Tashkilotining Demokratiya jamg’armasi ko’magida amalga oshirilmoqda. Loyiha doirasida 2 yil ichida Nukus va Mo’ynoq ayollari boshchiligidagi 20 ta startap loyihasi uchun akseleratsiya dasturini o’tkazish rejalashtirilgan. Eng yaxshi 6 ta loyihaga 2000 AQSh dollari miqdorida sarmoya kiritiladi.

Tadbirdan fotoreportajni etiboringizga havola etamiz 🖼

Seminardan videoreportaj: