Social-ekologiyalıq Fond jaslar ekologiyalıq háreketin qollap-quwatlaw maqsetinde jas jetekshilerden sayaxat grantlarına arzalar qabıllamaqta. Sayaxat grantlari programmasınıń maqseti – átirap-ortalıqtı qorǵaw hám puqaralıq jámiyetin rawajlandırıw salasında aktiv jaslardı qollap-quwatlaw, tájiriybe hám bilim almasıwdan ibarat.
Arza beriwshilerge qoyılatuǵın talaplar:
- sayaxat waqtında qatnasıwshılar 18 jastan 30 jasqa shekem bolıwı hám jámiyetlik tarawlarda óz sheberligin kórsetken bolıwı kerek.
- sayaxat grantı tek Oraylıq Aziya mámleketleri: Qazaqstan, Qırǵızstan, Tájjikistan hám Ózbekstanda ámelge asırıladı;
- grant byudjeti 500 AQSh dollarınan aspawı kerek.
Bir sayaxat grantına neler kiredi?
Sayaxat grantları tómendegi tarawlardaǵı ilájlarda (treningler, konferenciyalar, seminarlar hám basqalar ) qatnasıwdı qollap-quwatlaydı:
- átirap-ortalıqtı qorǵaw ;
- turaqlı rawajlanıw ;
- klimat ózgeriwi;
- insan huqıqları;
- puqaralıq jámiyetin rawajlandırıw;
- sonıń menen birge mámleketlik emes, kommerciyalıq emes shólkemleri hám ǵalaba xabar qurallarında úsh kunge shekem ámeliyatta qatnasıw.
Hújjetler 2022-jıl 1-yanvardan 31-dekabrge shekem qabıl etiledi.
Tolıq maǵlıwmatlar web-saytta : https://livingasia.online/2021/09/30/programma-proezdnyh-grantov/
Social-ekologiyalıq fond – Qazaqstan hám Oraylıq Aziyada átirap -ortalıqtı qorǵaw hám turaqlı rawajlanıwdı xoshametlew tarawında iskerlik jurgiziwshi mámleketlik emes shólkem bolıp tabıladı.