Ózbekstan Respublikası Prezidentiniń “Xalıq bántligin támiyinlew, kásip-ónerge úyretiw, xalıqtıń kem támiyinlengen hám jumıssız qatlamın isbilermenlik iskerligine baǵdarlaw hám miynet aktivligin asırıwǵa tiyisli qosımsha is-ilajlar haqqında” ǵı qararına muwapıq 2021-jıldıń sentyabr-oktyabr aylarında Qaraqalpaqstannıń Moynaq, Qońırat, hám Bozataw rayonlarında “Aspazlıq” baǵdarı boyınsha 30 hayal-qız oqıtıladı.

Tálim kursın tamamlaǵan hayal-qızlar jónelisi kórsetilgen halda oqıwdı tamamlaǵanlıǵı haqqında diplom-sertifikatqa iye boladı. Jańa bilimler, alınǵan kónlikpeler hám qánigelik hayal-qızlarǵa túrli tarawlarda, atap aytqanda, aspazshılıq, turizm hám miymanxana tarawında xizmet kórsetiwde, islew imkaniyatın beredi. Oqıw kursınıń dawamıylıǵı, ámeliy shınıǵıwlardı óz ishine alǵan halda 32 saattı quraydı.

Úsh maqsetli rayonda qızlar hám hayallar ushın kasiplik tálim BMSHRD, YUNFPA hám FAOnıń «Aralboyı aymaǵındaǵı járdemge mútááj jámáátlerdegi ekonomikalıq hám azıq-awqat qáwipsizligi mashqalaların sheshiw ushın jaslar hám mútááj qatlamdaǵı xalıqtıń beyimlesiwi arqalı olardıń dóretiwshilik hám innovaciyalıq imkaniyatların rawajlandırıw» birgeliktegi baǵdarlaması sheńberinde ámelge asırılmaqta.

Tolıq maǵlıwmatlar tómendegi saytta: https://www.uz.undp.org/content/uzbekistan/ru/home/presscenter/pressreleases/2021/09/professional-training-of-girls-and-women-for-their-involvement-i.html