Ózbekstan Respublikası Innovaciyalıq rawajlanıw ministrligi hám Vengriya Sırtqı isler hám sawda ministrligi barlıq qospa tarawlardaǵı startaplar hám ilimiy-izertlew joybarları ushın tańlaw daǵazalaydı.
Bul tańlaw Ózbekstan Respublikası Ministrler Kabinetiniń 2020-jıl 9-marttaǵı 133-sanlı «Ilimiy-izertlew hám innovaciyalıq islenbelerdi rawajlandırıwdıń normativ-huqıqıy bazasın jáne de jetilistiriw ilájları haqqında» ǵı sheshimi talaplarına muwapıq ótkeriledi.
Innovaciyalıq rawajlanıw ministrligi hár bir joybar ushın 2 jıl múddetke 1 milliard sumnan kóp bolmaǵan qarjı ajıratadı. Joybardı ámelge asırıw múddeti 24 aydan aspawı kerek.
Tańlawǵa tek bir atqarıwshı tárepinen usınıs etilgen joybarlar, sonıń menen birge, ekspertiza nátiyjelerine góre, bir tárepleme yamasa hár eki tárep tárepinen finanslıq támiynlew biykar etilgen joybarlar kiritilmegen.
Arza forması hám basqa maǵlıwmatlardı usı silteme arqalı alıwıńız múmkin. Hújjetlerdiń elektron versiyaların usı pochta arqalı 2021-jıl 30-sentyabrge shekem jiberiń: startup.uz.hung@gmail.com. Arza forması ózbek yamasa rus tilinde toltırılıwı hám belgilengen múddetten keshiktirilmey jiberiliwi kerek. Qosımsha sorawlar ushın: (71) 227 4317, (71) 203-32-32 nomerlerine qońıraw etiń.
Tańlawǵa jiberilgen ilimiy joybarlar grant.mininnovation.uz. elektron platformasındaǵı «Tańlawǵa ilimiy joybarlardı usınıw» beti arqalı 2021-jıl 30-sentyabrge shekem elektron formada qabıl etiledi. Arza úlgilerin usı jerde júklep alıwıńız múmkin.
grant.mininnovation.uz elektron platforması arqalı izertlew joybarına hújjetlerdi rásmiylestiriw processinde elektron hújjetlerge dáslepki hújjetlerdiń pdf/doc formasın júklew zárúr:
- atqarıwshı organ basshısı tárepinen imzalanǵan usınısnama (pdf);
- ámelge asırıwshı shólkem ilimiy (ilimiy-texnikalıq) sovetiniń sheshiminen kóshirme (.pdf);
- ámeliy yamasa innovaciyalıq joybardıń teksti (imzalanǵan hám mórlengen, pdf hám doc/docx).
Innovaciyalıq rawajlanıw Ministrliginiń grant.mininnovation.uz elektron platformasındaǵı «Ilimiy joybarlardı tańlawǵa usınıw» beti arqalı, ilimiy joybarlardı elektron dizimge alıw máseleleri boyınsha texnikalıq járdem xızmeti: + 998-71-203-32-32, +998 (94) 296 -07- 70
Usınıs etilgen joybarlar tańlaw talaplarına qatań ámel qılıw, isenimliligi, anıqlıǵı hám plagiattıń joqlıǵı ushın dáslepki texnikalıq ekspertizadan ótkeriledi.
Tańlawdıń keyingi basqıshına elektron dizimge alıw hám dáslepki texnikalıq ekspertizadan ótpegen joybarlar usınıs etilmeydi.
Ózbekstan Respublikası Prezidentiniń 2018-jıl 18-iyuldagi PQ-3855-sanlı Pármanına muwapıq, ilimiy jumıstıń mámleket programmaları sheńberinde alıp barılatuǵın ámeliy hám innovaciyalıq izertlewler nátiyjeleri, olar tawsılǵannan keyin, tolıq kommerciyalastırılǵan bolıwı kerek.
Usınıs etilgen joybarlardaǵı maǵlıwmatlardıń anıqlıǵı hám isenimliligi, sonıń menen birge, ilimiy-texnikalıq joybarlardıń natiyjeliligi, kommerciyalastırıw dárejesi, tańlaw programmaları jeńimpazları tárepinen belgilengen kútilgen nátiyjelerdiń tolıq hám waqtında atqarılıwı ushın juwapkerlik, ilimiy joybarlar basshıları, ilimiy joybardı ámelge asırıwshı shólkemlerdiń basshıları hám tiyisli joqarı shólkemlerdiń kepillikli xızmetkerleri.
Tańlaw nátiyjeleri Innovaciyalıq rawajlanıw ministrliginiń rásmiy saytında daǵazalanadı.
Qosımsha maǵlıwmattı tómendegi silteme boyınsha alıwıńızǵa boladı: https://mininnovation.uz/ru/competitions/3168