Aralboyı xalqı turmısın jaqsılawǵa qaratılǵan innovaciyalıq startaplar tańlawınıń juwmaqlawshı basqıshında 16 topar óz jumısların usındı, olardıń hár biri óz joybarları menen shıqtı. Tóreshiler quramınıń dawıs beriw nátiyjelerine kóre 7 topar finalǵa shıqtı.
Finalshılar arasında Ózbekstandaǵı Klimat ózgeriwi hám “jasıl” texnologiyalar tarawındaǵı hayal-qızlar joybarı startap akseleratorımız qatnasıwshısı – Aysulıw Xalmuratova da bar.
Aysulıw Xalmuratova “Asu-briket” sawda belgisi astında, ósimlik qabıqları hám túrli shıǵındılardan ekobriketler islep shıǵarıw joybarı ústinde isledi.
Aysulıwdı óz joybarın ámelge asırıw jolındaǵı taǵı bir zárúrli basqıshtı tabıslı juwmaqlaǵanı menen qutlıqlaymız. Sizge turaqlı tabıs hám professional ósiwdi tileymiz!
Derek: UNDP in Uzbekistan