Qaraqalpaqstanda isbilermenlerge jeńillikler beriledi.
Jas isbilermenler 7 jıl múddetke islep shıǵarıw hám xızmet kórsetiw ushın asbap-úskeneler satıp alıw ushın jeńilletilgen kreditler alıwı múmkin.
2022- jıl 1-oktyabrdan baslap qarqalpaqstanlı isbilermenlerge eksport etiw hám kredit alıwda úlken jeńillikler berildi.
Prezidentimizdiń “Isbilermenlik, innovacion texnologiyalar hám infra sistemanı rawajlandırıw arqalı Qaraqalpaqstan Respublikası xalqınıń parawanlıǵın asırıwǵa qaratılǵan qosımsha is-ilajlar tuwrısında”ǵı qararında usınday járdem kórsetilmekte.
Atap aytqanda, 2028-jıl 1-yanvarǵa shekem ónim eksporti ushın transport qárejetleriniń 70 payızı Eksporttı qollap-quwatlaw agentligi tárepinen tólenedi. Búl Húiumet komissiyası dizimine kirgizilgen ónim túrlerine tiyisli.
Sonday-aq, 2,5 milliard swmnan artıq bolmaǵan kredit qárejetleriniń 75 payızına shekem bolǵan bólegine Isbilermenlikti qollap-quwatlaw mámleketlik fondı kepil boladı.
Húkimet Qaraqalpaqstan Respublikasın rawajlandırıwdıń tómendegi jónelislerin belgilep berdi:
– aymaqta investiciya hám isbilermenlik ortalıǵın jaqsılaw jaslar bántligin támiynlew;
– jer hám suw resurslarınan nátiyjeli paydalanıw arqalı awıl xojalıǵı islep shıǵarıwdı kóbeytiw hám agrobiznes ushın qolay ortalıq jaratıw;
– tálim tarawında qosımsha imkaniyatlar hám insan kapitalın rawajlandırıw jańa basqıshqa kóteriw ushın shárt-sharayatlar jaratıw;
– sociallıq járdem dástúrlerin qamtıp alıwdı keńeytiw.