“Jasıl biznes–platforması: texnologiya hám klimatta hayallar”,
“Ózbekstanda klimat ózgeriwi tarawında hayallar texnologik startapların rawajlandırıwdı jedellestiriw baǵdarlaması sheńberinde konferenciya hám Demo kún”

2023-jıldıń 6-mart sánesinde Nókis qalası, Jaslar isleri agentliginde, “Hayallar texnologiya hám klimatta” temasına arnalǵan “Jasıl biznes” xalıqaralıq konferenciyası bolıp ótti.

Konferenciya Tech4impact NNT,BMSH Demokratiya fondı tárepinen qarjılandırılǵan hám Qaraqalpaqstan Balalar hám shańaraqtı qollap-quwatlaw associyaciyası menen birgelikte  “Ózbekstanda klimat ózgeriwi tarawında hayallar texnologik startapların rawajlandırıwdı jedellestiriw” eki jıllıq baǵdarlamasınıń juwmaqlawshı iláji boldı..

Joybarda qatnasqan Qaraqalpaqstan Respublikası Nókis qalası, Moynaq, Shomanay, Qońırat hám Kegeyli rayonlarınıń isbilermen hayal-qızları 2021-jıl aprel ayınan 2023-jıl mart ayına shekem, innovaciyalıq “jasıl”

Texnologiyalıq kompaniya ámelge asırıw, aymaqta texnogenlik katastrofanı jumsatıw, awıl xojalıǵı, jerden turaqlı paydalanıw, suw hám qattı shıǵındılardı basqarıw, turaqlı islep shıǵarıw sisteması (CO2 emmissiyasın kemeytiriw), turaqlı turizm, turaqlı moda, nol shıǵındılardı islep shıǵarıw, ekologik juwapkershilikli biznes hám basqalarda qáwipke alıp keliwshi is-ilájlar menen jumıs alıp bardı.

Konferenciya qatnasıwshıları arasında Ózbekstan hám Qırǵızıstan Respublikasınan spikerler ( hayallardıń texnologiya isbilermenligi, innovaciyalar, klimat ózgeriwi hám klimat ózgeriwine qarsı gúres boyınsha ekspertler, baǵdarlama sherikleri, startaplar, mentorlar hám puqaralıq jámiyeti wákilleri) bar. Konferenciyada qatnasıw – hayal isbilermenler ushın óz joybar hám ideyaların talqılaw, sonday-aq, óz startapların rawajlandırıw ushın jańa sherikler hám unvestorlardı tabıw ushın ájayip imkaniyat.

Áyne Nókis qalasında aymaqtıń ekologik máselelerge biypárwa bolmaǵan  eń belsendi isbilermen hayal-qızlar jıynalıp, ekonomikanı turaqlastırıwǵa alıp keliwi múmkin bolǵan eń jańa jasıl texnologiyalar hám klimatqa maslastırıw usılların talqıladı. Green Business by Tech4impact konferenciyası keń auditoriyanı qamtıp alıw hám Qaraqalpaqstan Respublikasındaǵı klimat ózgeriwi boyınsha startaplar ushın turaqlı ilájǵa aylanıwı kútilmekte.

Konferenciya túrli sessiya formatlarında dúzilgen, solardan:

• Isbilermen hayal-qızlar ushın startap-akseleraciyanıń 2-topar Demo kúni ( qatnasıwshslar 2022-jıl avgust ayınan baslap óz startapları ústinde isledi);
• TOP-3 en jaqsı joybarlardı sıylıqlaw máresimi (komandalar joybardan grant aladı: hár biri óz biznesin rawajlandırıw ushın 22 million swmnan);
• Qaraqalpaqstan Respublikasında “jasıl” texnologiyalar tarawında isbilermen hayal-qızlar aldında turǵan máseleler hám imkaniyatlar tuwrısındaǵı ekspertler (solardan, mámleketlik organlar, finans shólkemler, NNT, universitetler, startaplar, ilim wákilleri) menen talqılaw;
• Joybardıń 2 jıllıq nátiyjeleri boyınsha prezentaciya;
• Isbilermen hayal-qızlar joybarlarınıń kórgizbesi;
• Isbilermen hayal-qızlardıń shıǵıp sóylewleri hám tájriybe almasıw.

Konferenciya spikerleri hám miymanlar:

• Nurazizov Radjapbay Kupalbekovich, Qaraqalpaqstan Respublikası Ministrler Keńesi Baslıǵınıń Jámiyetlik hám diniy shólkemler menen baylanıslar boyınsha orınbasarı
• Kristian Lamar, UNDEF, Birlesken Milletler Shólkeminiń Demokratiya Fondı wákili;
• Sholpan Asanova, Qaraqalpaqstan Balalar hám shańaraqtı qollap-quwatlaw Associyaciyası baslıǵı;
• Saida Yusupova, Tech4Impact NNT Direktorı ;
• Gúlzarxan Tóreniyazova, Baǵdarlamanıń birinshi akseleraciya jeńimpazlarınıń biri (Nókis);
• Aynura Sagin, plastik shıǵındılardı ajıratıw boyınsha Tazar startapı jeńimpazı (Bishkek)
• Ralina Xasanova, La Lavande kompaniyası tiykarshısı (Tashkent);
• Ekobloger Mutabar Xushvaqtova (Tashkent).

Isbilermen hayal-qızlar ushın akselerator 2021-jıl sentyabr ayında jumıs basladı hám startap akseleraciya baǵdarlamasınıń 2 toparı ótkerildi.

“Ózbekstanda klimat ózgeriwi tarawında hayallar texnologik startapların rawajlandırıwdı jedellestiriw” baǵdarlaması nátiyjeleri:

• “Jasıl texnologiyalar ” tarawında hayal-isbilermenler ushın startap akseleraciya dástúriniń 2-toparı ótkerildi;
• Startap-akseleraciyada qatnasıw ushın 2 topar dawamında1 90 arza kelip tústi;
• startap-akseleraciyada 41 joybar qabıllandı;
• 20 hayal isbilermenler tábiyatqa tásirdi minimallastırıwdı esapqa alǵan halda óz biznesin jaratıw hám rawajlandırıw boyınsha bilim hám kónlikpelerge iye boldı
• Demo kúnde 13 final qatnasıwshıları ózleriniń joybarların prezentaciyaladı;
• 2 jıl dawamında Ideation boyınsha Nókis qalası, Moynaq hám Shomanay rayonında 5 seminar ótkerildi 200 hayal-qızlar, fermerler hám studentler qamtıp alındı;
• Qaraqalpaqstan Respublikasında startapla rboyınsha 10 mentor seminar ótkerdi;
• Oraylıq Aziya platformasında mentorlar maǵlıwmatlar bazası jaratıldı, mentoringplatform.org;
• Qaraqalpaqstandaǵı startaplar ushın onlayn maǵlıwmatlar bazası islep shıǵılǵan hám jańalanǵan.
• Qarqalpaqstanda klimat ózgeriwi tarawında hayallar startapların qollap-quwatlaw ekosistemasın rawajlandırıw boyınsha sherikler menen sheriklik ornatadı
• 6-mart 2023-jıl 2-topar startap-akseleraciyanın 7 final qatnasıwshıları Demo kúnde ózleriniń joybarların prezentaciyaladı:

• Ayzada Awezova student,Nókis qalası
• Aygul Tashibayeva, isbilermen,Moynaq rayonı
• Gawhar Jiyemuratova, Hayallar jámiyetlik keńesi belsendisi, Shomanay rayonı
• Gulperi Otepova, balalar baqshası baslıǵı, Kegeyli rayonı
• Ziliyha Sabırbayeva,magistrant, Nókis qalası
• Klara Xudaybergenova,jurnalist,Nókis qalası
• Shaxzada Turdımuratova, student, Nókis qalası

Joybardı bahalaw ushın ekspertler shaqırılǵan  :

• Seytova Leyli Pulatovna, Oliy Majlis Nızamshılıq Palatası deputatı,Ózbekstan ekologiyalıq partiyası aǵzası
• Dildora Ataullaeva “Xalıq bank” Qaraqalpaqstan Respublikası filial baslıǵı orınbasarı
• Tawbaldiyev Erpolat Sultamuratovich! Ayım tur SP direktorı
• AmélieLeclere, fransuz suw texnologiyaları kompaniyası SUEZ International SAS biznesti rawajlandırıw menedjeri
• Aynura Sagin, “Tazar” plastik shıǵındılardı ajıratıw startap tiykarshısı;
• Ralina Xasanova, La Lavande kompaniyası tiykarshısı;
• Mutabar Xushvaqtova, ekobloger.

Hár bir joybar prezentaciyası ushın 5 minut hám tóreshiler ekpertleriniń sorawları ushın 5 minut waqıt ajratıldı.

Tóreshiler komissiyası ekspertleri tárepinen joybarlardı bahalaw kriteriyaları:

• Biznes/Bazar potenciyalı ;
• Jámiyet ushın paydası / jumıs ornı jaratılıwı;
• Innovaciyalıq /texnologiyalıq potenciyal;
• Joybardıń ekologiyalıq aspekti / klimatqa tásiri;
• Komandanıń kompetenciyası;
• Prezentaciya sapası.

Jeńimpaz komandalar biznesin rawajlandırıw ushın 22 mln swmlıq investiciya aladı.

Bárshe qatnasıwshılardı qutlıqlaymız, hám joybardı rawajlandırıwda tabıslar tileymiz!

________

“Ózbekstanda jasıl texnologiyalar tarawında hayal-qızlar startapların rawajlandırıwdı jedellestiriw” joybarı Tech4impact NNT hám Birlesken Milletler Shólkeminiń Demokratiya Fondı járdeminde ámelge asırılmaqta.

Ilájdi ámelge asırıwda járdem bergeni ushıń Qaraqalpaqstan Balalar hám shańaraqtı qollap-quwatlaw Associyaciyası hám Jaslar isleri agentligine óz minnetdarshılıǵımızdı bildiremiz!

Maǵlıwmat ushın: Sauda Yusupova, Tech4Impact NNT direktorı , +99890 3197721
www.data.accelerator.uz/ www.tech4impact.uz