Aymaqtı abadanlastırıw temasın dawam ettirip, búgin biz “Meniń Araldaǵı baǵım” jergilikli kraudfanding joybarı haqqında sóylesemiz.

2020-jıldan berli “Ózbekstan Respublikası Prezidenti janındaǵı Aralboyı xalıqaralıq innovaciya orayı” hám “Kanadanıń Jergilikli baslamalardı qollap-quwatlaw fondı” sherikliginde “Meniń Araldaǵı baǵım” (#AralForest) agro hám ekoturizm joybarı ámelge asırılmaqta.

Joybardıń tiykarǵı maqseti – Aral teńizi hám Moynaq rayonı aymaǵınıń bir bóleginiń qurıwı aqıbetlerin shól hám qurǵaqshılıqqa shıdamlı náller egiw arqalı jumsartıw. Joybar sheńberinde:
• Yasen;
• Qaraǵay;
• Tut;
• Seksewil;
• Sherkez hám basqa da túrdegi shól hám qurǵaqshılıqqa shıdamlı terekler Aralboyında egilmekte.

Joybar web-saytında egilgen náller sanın kórsetiwshi esaplaǵısh bar bolıp, búgingi kúnde olardıń sanı 5475 dekorativ hám miyweli tereklerdi quraydı. Joybar sheńberinde 1 000 000 túp terek egiw jobalastırılǵan. Siz de kim, qashan hám qansha nál egiwge járdem bergenligin bilip alıwıńız múmkin.

Bul joybarda jergilikli xalıq, sırt ellik sayaxatshılar hám volontyorlarda qatnasıwı múmkin. Úles qosıwdıń ekinshi usılı – www.aralforest.org arnawlı web-saytı arqalı aralıqtan turıp nál satıp alıw hám egiw.

Joybar web-saytı: www.aralforest.org
Joybar haqqında kóbirek “Ózbekstan Respublikası Prezidenti janındaǵı Aralboyı xalıqaralıq innovaciya orayı”(IICAS) web-saytında: https://iic-aralsea.org/my-garden-in-the-aral-sea/ tanısıwıńız múmkin.

Bul maǵlıwmattı Aralboyı aymaǵın abadanlastırıwǵa járdem beriwden mápdar bolǵan hár bir adamǵa jiberiń.