Millionnan bir gúrriń… anıqraǵı, 35,6 millionnan*!

Mushtariy Sharifova Tesla kompaniyasında IT-rejelestiriw boyınsha analitik retinde islep atirǵan Ózbekstanlıq birinshi hám birden-bir puqara bolıp tabıladı.

Teńlesleri menen munásebetleri qıyın bolıwına qaramay, Mushtariy balalıǵınan úlken ármanı bar miynetkesh hám tırısqaq oqıwshı bolǵan. Studentler haqqındaǵı túrli shet el teleserialları onı universitet kitapxanasında mashaqatlı saatlar sarıplap, sabaqlıqlardı oqıwǵa hám óz maqsetlerine erisiwge ilhámlandırdı.

Ármanlar ámelge asadı!
2015-jılda Mushtariy Germaniya ámeliy pánler universitetine biznes hám menejment baǵdarına oqıwǵa kirdi. Oqıw dawamında ol Adidas, Zalando hám SAP sıyaqlı iri kompaniyalarda ámeliyatta bolǵan hám olar keyinirek oǵan Tesla kompaniyasına jol ashqan.

Quramalı jol, tásirli gúrriń, tabıslı jumıs – tabısqa erisken insanlardıń ómirbayanı mine sonday súwretlenedi hám Mushtariy da endi usılardan biri bolıp tabıladı. Nawayılıq qız ármanın ámelge asırdı hám jerleslerine órnek boldı.

Siz de ilhámlandıńız ba? “O’zbekstonlik” filminiń ekinshi epizodın tamashalap, jáne de kóbirek motivaciya alıwıńız hám jerlesińiz benen maqtanıwıńız múmkin.

*2022-jıl 1-iyul jaǵdayına kóre Ózbekstannıń turaqlı xalıq sanı, «Gazeta.uz»