- 2007 йилда «Шуҳрат» медали билан мукофотланган.
- Умумий меҳнат стажи 38 йил.
А.Наубетова ишнинг кўзини биладиган тадбиркор аёл, қорақалпоқ каштачилик санъатида ўз мактабига эга ҳунарманд ва юқори ташкилотчилик маҳоратига эга ишбилармон сифатида республика миқёсида катта обрў қозонган.
Унинг ташаббуси билан халқ амалий санъатининг асосини ташкил этувчи қорақалпоқ миллий каштачилик мактаби яратилган.
У раҳбарлик қилган корхона миллий ва замонавий усулларда кийим-кечаклар, ўтовлар учун (қора уй) гиламлар, “белдеў”, “ақ басқур”, “қизил басқур”, “кереге танғиш”, “изба-дизбе”, “упшин”, “жан баў” каби матоларини тайёрлаб келмоқда.
А.Наубетова бугунги кунда 7 та кишини доимий иш билан таъминланган.
У ўзининг талабчанлиги, янгиликларга интилиши ва иш тажрибаси билан ҳар йили “Ташаббус” кўрик танловида доимий иштирок этиб диплом ва баҳоли совғалар билан тақдирланиб келмоқда.
Жумладан, «Ташаббус» танловининг Қорақалпоғистон Республикаси босқичида 2002, 2004, 2005, 2006 ва 2008 йиллари «Энг яхши тадбиркор» йўналиши бўйича иккинчи ўринни, 2003 йили «Энг яхши ҳунарманд» йўналиши бўйича иккинчи ўринни ва 2007 йили «Ташаббус» танловининг лаурияти бўлган. Шунингдек, ҳар йили Марғилон шаҳрида ўтказилиб келинаётган Атлас байрамида муносиб иштирок этиб сертификат билан тақдирланган.
Шу билан бирга Қозоғистон Республикаси Олма-ота ва Атиров шаҳарларида ташкил этилган Қозоғистон ва Ўрта Осиё қўл ҳунармандлари саноати кўргазмаларида ўзининг ишлаб чиқарган миллий буюмлари билан муваффақиятли иштирок этиб, бизнинг мамлакатимизнинг обрўсини яна катта чўққиларга кўтарди.
Ҳозирги вақтда онаҳонимиз фарзандларининг ўзига ўхшаган фидокор, ватанимиз равнақига муносиб ҳисса қўшадиган ҳунарманд бўлишга ўз ҳиссасини қўшиб янада кўп тармоқли ҳунармадчилик махсулотларини ишлаб чиқаришига ёрдам бериб келмоқда.
А.Наубетова қизи Р.Матирзаева онасининг касбини давом этдирмоқда. А.Наубетованинг қизлари Р.Матирзаева 2017 йили «Ташаббус» кўрик танловида муваффақиятли қатнашиб туманимиз обрўсини кўтариб келишга эришиб келмоқда. Шунингдек жорий йилда Ўзбекистон Республикаси биринчи Президентининг 80 йиллигига бағишлаб ўтказилган “Бердах” театрида ярмаркада ўз махсулотлари билан қатнашиб йиғилганларда ўзгача таъсуротлар қолдиришга эришган.
Ҳозирги вақтда А.Наубетованинг бошчилигида қўл меҳнати асосида ишлаб чиқарилган махсулотлар Нукус шаҳридаги “Советский” номидаги миллий музей дўконида, “Саўкеле” номли миллий буюмлар дўконида ва “Жипек жолы” меҳмонхонаси дўконларидан ўрин олган. Онаҳонимиз А.Наубетова нафақада пенсионер бўлишига қарамасдан қизига кўмаклашиб ишлари самарадорлигини оширишда меҳнат қилиб келмоқда.
А.Наубетова учта шогиртни тайёрлаб ўз касбининг сир асрорларини ўргатиб моҳир ҳунармадлар бўлиб етишишига ўз ҳиссасини қўшмоқда.
А.Наубетова айни дамда туманимизда туризмни ривожланишига ҳам ўз ҳиссасини қўшиб келмоқда ва келажакда шу соҳани кенг кўламда ривожланишини таъминлаш ниятида.
Жорий йилдан бошлаб А.Наубетова Шуманай тумани «Бандликга кўмаклашиш» маркази билан ҳамкорликда “Ҳунармандлар” тайёрлаш мактабини очиб, унда уч ойлик ўқув курсларини ташкиллаштириш ва уларнинг ўқув курсларини битирганларидан сўнг уларга тегишли сертификатлар билан тақдирлаб, ҳунармадчилик фаолиятини ривожлантирмоқда.
Бундан ташқари А.Наубетова айни пайтда табиий маҳсулотлардан бўёқ олиш технологияси устида ишлаб келмоқда.
А.Наубетова миллий либосларни қайта тиклаш, оммалаштириш, тадбиркорликни қўллаб-қувватлашга ва ривожлантиришга давлатимиз томонидан қаратилаётган эътибор ва унинг аҳамияти ҳақида туман ёшлари ўртасида сўнгги уч йилда 24 маротаба тарғибот-ташвиқот ишларини олиб борган.
Маҳоратли ва фидоий ҳунарманд, камтар ва самимий инсон сифатида эл-юрт ҳурматини қозонган.
Қорақалпоғистон Республикаси, Шуманай тумани.
